Wednesday, April 6, 2016

انا و الناس

ما عادش عارفة الصحيح مالغالط ، معادش عارفة اذا الطريق الي اخترتوا و مشيت فيه اخترتوا بكيفي و الا الظروف حطيتني فيه و معاش عارفة نكمل نمشي والا ناقف و الا نرجع منين ما جيت ، نجي نخمم في ظرف قصير كل شي تبدل حتي انا ،خرجت ناس من حياتي و قلت وحدي نكمل وحدي نكون اقوي وحدي نجم نقاوم الدنيا ،قلت ما نربط روحي بحد ،ما نحب حد اكثر من روحي باش ما نتصدم في حد ، باش ما نتجرحش، ،نخرجهم من حياتي خير ما يبعدوا اكيكا ما يوجعني حد و مانقولش يا ليت ،نبعد انا و نقسي علي روحي خير مالي يمشيوا و يخليوني نبكي من قسوتهم علية . انا الي اخترت و انا الي نتحمل مسؤولية اختياراتي ..قيت روحي بعد مدة مانيش متعلقة بحد اكثر مالازم ،كل شي يصير في حدود تخمامي ، الناس الي قعدوا في حياتي كعبتين و كعبة و بعدهم ما يخوفنيش ، في الحقيقة عمري ماكنت نخاف مالبعد الي يخوف موش أنوا الناس تمشي و ما ترجعش الي يخوف انك تقعد وحدك ،الي يخوف انك تتنسي و ما يتذكرك حد موش خاطر ماعندك حد اما خاطر ماقربت لحد لدرجة تخلي فيه شوية من روحك .
كي تعيش بعيد عالناس تتعلم تقيس و تحكر ،تتعلم الي علي قد الحب قد الوجيعة و تتعلم تمشي في الوقت المناسب، في الوقت الي تبدي فيه تتعب..،تتعب مالربطة و الا تتعب مالوجيعة و الا تتعب من انك تسامح و تعدي و الا حتي تتعب من روحك .
زعمة شنوة الصحيح و شنوة الغالط؟ زعمة شنتحاسبوا علي نفسيتنا الي معاش تستوعب وجود ناس اكثر مالازم في حياتنا و الا علي طاقتنا الي استثمرناها في ناس استنزفتنا لدرجة ماخلاوش بلاصة لناس اخرين بعدهم ؟ والا علي فقدان القدرة في الكلام و اللوم و العتاب و التبرير ؟ زعمة احنا صحاح كي نبنيوا حيط بينا بين الي دايرين بينا و الا غالطين ؟

                                                       KOUKOU
                                                  #اكرام_سويلم

Tuesday, February 23, 2016

اعفس على قلبي

،اعفس على قلبي و اتعدى ،ايجاني و احكيلي حكاياتك معاها و احكيلي على ضحكاتك انت و هية و وريني لمعة عينيك وسط الحديث ،قلي شنية تربيجتها و كي ادللها شنية تناديها و احكيلي على سر محبتك ليها ،احكيلي و ما تسكتش ،ايجاني و احكيلي علي عركاتكم و هز و انفض و شبر بيديك زيد وريني قداه بعدها مأثر فيك و كي نجي معاها ضدك صيح علية و ذكرني الي انا اقرب ليك صيح و احسبني هية و قلي الكلام الي كنت شتقولهولها الكل و امشي و خليني و كي تتصالحوا ارجعلي، خبرني علي صار و احكيلي كيفاه ما تنجمش تبعد عليها ،احكيلي عالاعذار الي قالتهملك باش نسيت عركاتكم و ترميت بين ايداها ،احكيلي عالفرحة الي في قلبك و اعفس على قلبي و اتعدى ،اعفس لين تعصر معزتك الي في قلبي الكل لين نكرهك لين كلامك معاد يعنيلي شي

Monday, February 15, 2016

بين رجلين

لا آري رجلا غيره و لا آري عاشقا غيرك 

و بينكما احترت

 بينكما عشت 

 بينكما كبرت و تمردت و هربت و تهت و عدت 

 عدت إليكما معا

 عدت  فارتميت بين يديه كطفلة و في احضانك كانثي

عدت فاتخذته حبيبا و اتخذتك عشيقا

  عدت فقابلته بعيون دامعة و قلب كواه الفراق قابلته بلهفة مسافر عاد الي وطنه و كان هو وطني و  اهلي و قبيلتي و سندي و عزائي  
عدت فرميت تحت قدميه احمالي و حدثته عن خيبة امالي و عانقته عناق المشتاق و بكيت 

 ثم جئتك

 جئتك خالية الوفاض خفيفة الروح فغمرتك يعطره العالق باثوابي و كوردة داعبها النسيم تمايلت ، تغنجت تدللت و ابتسامة اللعوب ابتسمت
 جئتك فنشرت على صدرك شعري و بحت لك بأسراري و عانقتك عناق الحنين و ضحكت
 و في غفلة مني على وقع ضحكاتي اسْتفقت

فوَجَدْتُنِي أدمنت

  أدمنتكما معا فاعتللت ، تكدرت و تغيرت فهربت ، ثملت ، سكرت و رجاحة عقلي فقدت عذبتكما و تعذبت و بينكما احترت



  بينكما عشت ، كبرت ، تمردت ، هربت و تهت و لا اعلم كم قلبا جرحت

KOUKOU

خيال منامة



في نهار فقت فيه بدوزت جنون زائدة اخترتك ما بين الناس و قلت نهبل معاك...هبلة مزيانة كي الحلمة الي ما خططتش نحلمها، و كي الحلمات الكل فقت علي غفلة ما قيتكش ، لوجت عليك قيتك عايش تحلم بيها هية و كي كل طفلة بلا عقل قلت ميسالش ليها العقل و هبالك لية ، نحيت الغيرة و طبايع الطفلة الصغيرة الي فية و تنغنيغها كي ما تاخوش الحاجة الي تحب علاها قلت نستحمل ، حسبت روحي قوية و استحملت ياخي قيتك في كل يوم تغرق في حلماتك معاها و عايش في منامتي علي الشط و انا مرا الشط ما يستهوينيش و ما نجمش ساقيا تمس الماء و ما نهبطش نتعارك مع الموج الله غالب نحب الغريق ،غمضت عينية ريتك قدامي عاطيني بالظهر و تتبسملها و مشينا كل واحد في ثنية و حليت عينية .




انت طلعت خيال منامة و انا رجعلي شاهد العقل .


KOUKOU

Friday, October 9, 2015

امنيات


و كم وددت ان تسرق مني لحظات تحت المطر ، ان تمسكني من يدي و تجذبني اليك فيما تنهمر دموع السحاب لتطهر كلينا ، كم وددت ان تسرق مني قبلة علي عجل في ما يهرول المارة تاركيننا خلفهم ، ثم تركض بي الي اقرب مقهي و تطلب لي كاس قهوة ساخن و تشعل سيجارة و تتكأ علي الكرسي في صمت لتسبح في عيوني في ما اغرق في فنجانك 
 

Wednesday, September 30, 2015

شتاء


ليالي الشتاء تذكرني بك ، تذكرني بحضن دافئ الجأ اليه هربا من برودة مشاعري و انا بعيدة عنك ، تذكرني بحرارة انفاسك عند العناق و تذكرني بدموعي التي تنهمر للوعة الفراق ، كل شيئ بداخلي يشير الي النافذة المغلقة امامي تتساقط قطرات المطر لتحملني معها الي عالم رسمته انت ، عالم يسكنه الوجع من بعدك ، يشتعل البرق متزامنا مع احتراقي و تئن السماء بصوت الذكري ، تنعكس صورتي علي بلور نافذتي و تغيبها اللهفة لتضهر انت ، اراك تطالعني فلا افك الغاز عينيك ، يأخذني الحنين اليك علي غرة فاذا بجفائك يغتالني يغتال املي ، ترعد السماء فاستفيق علي الم الهجر و تجلد روحي بسوط الانتظار و الخيبة ، هذا المساء ابكي غيابك و ابكي وجعي ، تعتصرني الذكري فاعود لاحتضن طيفك اعانقه فاذا به صار مثلك يقابلني بصقيع يستنزفني و يتسلل الي اوردتي هناك حيث خبأت حبك سرا فاتجمد ، و اني اتجمد هذا امساء الف مرة و اموت الف مرة بدونك 
KOUKOU

Thursday, August 27, 2015

(خاطرة)

احيانا تخدعنا الحياة فتصور لنا آمالا لامعة تبرق من بعيد , آمالا نعدوا اليها لاهثين حاملين اليها أحلامنا و أمانينا فما ان نقترب منها حتي تخذلنا , و لكني لم اكن أبدا من محبي الآمال اللامعة ، بل كان بصيص صغير من امل باهت شبه مضمحل يكفيني لابتسم و احلم و أطير ، لطالما احببت ان أعيش في حدود يومي فلا أتطلع الا للساعات القليلة التي تفصلني عن غدي .

الغد كان بالنسبة لي كحبيب مجهول ، حبيب غائب اشتاق اليه دون ان اعرفه ، حبيب يجلب معه الاستجابة لكل صلواتي و قد كانت صلواتي كثيرة طويلة الدعاء و كان أملي في غدي كثير البريق ، و كان رجائي ان لا اخدع فيه كما خدعني ماضي الذي تركته ورائي.

ماضي ! ماضي قصيدة نابعة من القلب لتخاطب القلب ، ماضي ذكري تركتها ورائي و لكني لا انفك أتطلع اليها بين الحين و الحين و كلي حنين ، ماضي زمن جميل ، قصص عشق و شقاوة شباب و ضحكات رقيقة الرنين .
هكذا احببت الحياة و هكذا عشتها أذيب السنوات بين الحنين للماضي و أمل في المستقبل و لهفة الانتظار. الي ان أتي حبيبي المجهول بعد سفر طويل ، جاء و احتضنني فسقط الزمن تحت قدميه و اتصل ماضي بحاضري و تلاشت كل مخاوفي و انمحت اثار الخذلان. التقينا كأننا كنا بالأمس معا ، التقينا و كلنا آمال لامعة تبرق من بعيد، فعدونا اليها معاحاملين أحلامنا و استيقظنا علي مستقبل بملامح الماضي.

KOUKOU