I know you make me the worst version of myself you always been the one growing my devilish side
I know that when I'm with you I'm the self I always try to hide
You're the box containing my sins my mistakes and the dark spots that used to live in my mind
You're the other reflection of my mirror the one hanging upside down confused and blurry
Your are everything that made me sad angry or sorry
The other me
The one no one truly see
And I know u walking away is for the best
When you're gone the beast inside me slept in his nest
Like a sweet little angel
An angel without wings as it has fallen from heaven a long time ago
I know you had to move on and let go
You needed to become a better version and make me one
I understand but...
But you need to know it's not that easy
The upside-down mirror was part of me and as you left it shuttered
Now that part is missing and I will be never all
Its maybe for the best but I'll be always incomplete
Something missing and that something is you
My sweet devil
I am now an angel
An angel with broken heart and a tear stuck in his eyes
An angel that will never recover from all the betrayal and lies
Not today not tomorrow not in a thousand years not even when it dies
It will never be same and heaven is not an option
As an angel without wings is casted away
When I die without you by my side I'll be a trapped soul
Somewhere in between
Not in eden not in hell but somewhere is never seen
Somewhere where the lost souls live forever in torment
Longing for the one thing missing as I am longing for "you "
اقتربت من الله أكثر..
اتجهت بكل قلبي للصلاة و الصوم..
ابحث بين السجدة و الركعة عن سلام يكتنفني...
تضرعت كثيرا بيدين مضمومتين إلى صدري و دموع تغسل خدي...
ترجيت الله أن ينقذني منك...اكبر..اكبر الله علي انسى اسمك..بين تكبيرتين..
استغفر كل الليل.... فحبك خطيئة وحده ربي قادر على غفرانها...
بكل الإيمان الساكن بين ضلوعي و بكل الحب الذي أحمله للله وحده.. كنت مقتنعة انك ستمحى...
و انمحيت.
حمدت الله كثيرا حين وجدتني ابتسم في سجودي لذكرى رجل أنعم به ربي لي من بعدك.... حينها أيقنت أن فقدانك رحمة... و عسى أن تكرهوا شيئا و هو خير لكم...
في الوسط.... بلاصة غريبة بين قلبي وعقلي
موش منطق و موش احساس...
هوني كل شي متبدل...
الأحداث و المشاعر و الناس...
هوني حقيقة تخوف و ماعندهاش ساس...
هوني حاجات موش فاهمتها و تصاور غريبة مكفنتها...
منهم تصويرتي انا...
تصويرة قديمة و مدغدشة و كلها خطوط و ماتتشبهليش...
تصويرة مخبيتها على روحي فيها الماضي الكل...
فيها الخايب و المصايب و الاغلاط و العقد الي مالهمش حل...
هوني بلاصة بين قلبي و عقلي...
موش سحاب و موش سماء و لا تغرب فيها شمس و لا يطلع فيها قمر....
هوني كل شي عريان...
العباد كي نراهم ، بلا اعذار بلا قيمة و قدر...
نراهم كيما هوما بلا زينة بلا محبة ادغدش نظر...
الذكريات مشوهة بالحقيقة بالكلام الواضح موش المتخبي بين سطر و سطر...
هوني قلبي ماعندوا سلطة مايجم يغلف شي بالمحبة...
لا يجم يزيد لا ينقص لا يشعل فنار...هوني في الظلمة تتربى...
تتحل عينية و ماعندي وين نتخبى...
ماعندي باش نوهم روحي و مانجمش نكذب...
هوني الحاجات الي ترعب و منها نرهب....
في هالبلاصة الغريبة بين قلبي و عقلي....
موش ارض و موش شجر و لا تحرق لا تكوي و لا فيها ماء و لافيها ظل...
هوني ما يعقل عقل و لا عندوا منطق و أحكام...
لا ينفع استنتاج و لا ارشيف و لا حسابات في زمام...
هوني روحي تهوم وحدها بلا جوجمة افكار و سفسطة كلام... هوني الصمت التام...
ماعندي فاش نشد و نكبش....
هوني نجي عالغفلة و انا هاربة و مانحبش...
بلاصة غريبة و مانحبهاش و شكون يحب الحاجة الي مايفهمهاش ؟...
اما هوني تجم تفهم كل شي اذا نجمت تواجه روحك...
هوني الحقيقة...
حقيقتي و حقيقتك و حقيقة الناس...
هوني ترى الخايب الكان متغطي...
و هوني يبان معدن الحديد المصدي...
و هوني المراية تصويرتها موش معكوسة...
بلاصة غريبة بين قلبي و عقلي... بلاصة تخوف مسكونة ،مهجورة و ملبوسة...
و لو كان تعرفوا مخيبها الحاجات على حقيقتها و مخيب منظرها في مرايتها...
هوني مانحبش نجي اما هي تهزني من غير ماتشاور....
تفرش قدامي الأحداث بالجملة و الكلام و الناس و من الذكريات تصاور...
و تقلي تفرج و حل عينيك... هذا الي ليك و هذا الي عليك...
و انت و روحك ميزان...
و انا نجري و نهرب و لا نحب لا نوزن لا نعرف لا نقر...
نهرب و نلقى روحي في بلاصة غريبة بين قلبي و عقلي...
#اكرام_سويلم #كلام_الليل koukou
ما تسألنيش علاش مشيت
بعت الي بيناتنا و نسيت
نسيت خاطر لازمني ننسى
نعفس على قلبي و نقسى
نرمي حبك ورايا و نقدم بحياتي
و نسكر على حكاياتك و حكاياتي
نكذب و نقول مع غيرك متهنية
و كي نراك ندور وجهي و نغمض عينية
ندفن وجيعتي في حيوط البيت
و نعمل روحي ماسمعتش اذا على بابي دقيت
مانحبش نحل الباب الي تسكر
و لا نحب تشوف الدمعة الي في كحلي تغدر
خاطر نعرف دموعي تزيد على وجيعتك وجيعة
و تكبر في قلبك و قلبي الليعة
و مانحبش نضعف و نرجعلك
البعد خير بعد الي صارلي و جرالك
خليك تقول على قلبي دوني و صعيب
و عشقتك عندي كلام فارغ قدام المصلحة و الجيب
خليك تقول عالفلوس حبك بايعة
خليك حاسبني قوية و انا بعدك ضايعة
نحبك تكرهني و تخطاني
تعيش حياتك و لاعاد تهمك احوالي
تنساني بسكرة و قعدة في بار
بسيجاروا و دبوسة و كأس بلار
و نرخس بعد كل رشفة و نفس
تسيل منك دمعة و يبات في مخك الحس
تقول على روحك بوجادي
و علية خاينة الي خلفت بوعدي
و في وسط السكرة تسأل علاش خليتك وسط الطريق
في ظلامك غارق لا حاسة لا شالقة بيك
و انا قعدة وراك بخطاوي
دمعتي بيدي نداري و قاطعة النفس
و مع كل تنهيدة تطلع منك سكاكن في قلبي تتغرس
دموعي سيالة في نفس البلاصة الي كانت ضحكتنا فيها ترن
انت تسكر و انا نحن
انت تبكي و انا نجن
سخفتني الدمعة المكبشة في جفونك
و خوفني لون الظلام كي تخلط بلون عيونك
ماعرفتش الراجل الي قدامي شكون
قداش قتلك ابعدني و قداش من مرة دزيتك
قداش من مرة قتلك ندمت الي حبيتك
قداش من مرة هربت منك و انا نتمنى بين ضلوعك نتدفن
نتمنى نجيك و نسلم
نقول صدفة و تعرفني نفلم
و نهد السكوت بتسليمة
و ترجع حليمة لعادتها القديمة
ننسى همك و همي
و تقلي نحبك ترجع الضحكة على فمي
و اخطانا من امك و امي
ونهرب انا وياك
انت تمشي و انا وراك
لوين ماتحب لاخر الدنيا
نشقوا البحر الي هايج قدامي و قدامك
نعطيك وعدي و ناخوا كلامك
لا نهار عليك نبعد و لا رجال نعرف بعدك
ناخوا كلامك و نعطيك وعدي
نكون مكتوبك و انتي سعدي
#اكرام_سويلم #كلام_الليل koukou
المخ بيوت بيوت بيت كرا و بيت شرا و بيت تقول حانوت بيت خبابل و بيت غرابل و بيت خزين للي يفوت و بيت صياحها قبب و بيت تكتم الصوت و بيت كي جنينة نباتها يحيا و يموت و بيت فارغة تهربلها كي تتعبى بقية البيوت.. و بيت على بيت تفرق بيت الكرا بدالة الخارج منها اكثر مالساكن و بيت الشرا بيبانها حديد الي ساكنها معمر التراكن و بيت حانوت تملى و تفرغ و حانوت مسكر و لا كرية مشومة و بيت خبابل تخنق و تغص بخبابلها الڤرجومة و بيت غرابل تدور و تصفي....و بيت الخزين حيوطها من الذاكرة مرشومة...و انا تعبات علية البيوت و ضاقت بية الحيوط هربت نجري من دغاغر مخي لزنق المدينة لعل ضيق الشوارع ينسيني في ضيقي و عقلي الي مليان بيك... لعل على مدخل البلاد يخرج خيالك من مخي و يضيع ما يرجعلي و لا يرجع بية لتالي... و لعل نسرح بعيد و يتمحى طيفك تحت ضو فنار من الفنارات...و لعل البيبان الصفر و المسامر المدقوقة تنسيني في السكاكن الي في قلبي مرشوقة و في دموعي الي عليك سيول جرات...و تنسيني في بيبان عقلي الي تتحل و تطربق كي نسمع اسمك و اتطربيقها يعصر جواجية عصران... ولعل نتخمر بريحة الياسمين و الفل و تفنى ريحتك بيناتهم و منها نمل...و لعل نعلق طيفك في شلباطة منشرة على سور دار من الديار و نخليه و نروح... نروح فارغة منك و معبية بزين المدينة و نقطف نوارة من اي جنينة تفكرني الي لا حال يدوم و الورد كي حبك يذبال و ندندن بين الزناقي غناية و موال " ما تحزنشي علي كان و أفرح باللي باش يجينا
اذا المستقبل فرحان
ما تفكرشي ما تفكرشي
علاش تفكر في ماضينا... ما تحزنشي علي كان و أفرح باللي باش يجينا
اذا المستقبل فرحان
ما تفكرشي ما تفكرشي
علاش تفكر في ماضينا
ما تفكرشي ما تفكرشي
سلم ّأمرك للحنان و قول ان شاء الله زينة زينة "
فك بيديك طلامس بدني و اتكى و ميل على صدري
من اليمين لليسار
...سطر طريقك على ظهري شوارع و زنق و عنقني... انت تلهب و انا نغلي و يعلى بينا الاحساس...
احسب بدني قيتارة و بلمساتك اعزفني الحان.. انت تنقش و انا نغني اهات و تنهيدة و نفس...انت تبعد انا نلز و عسل ريقك نمز مانحبوش يبات الحس... نشيخ بفنك و فني بين يزي و اركح و اص...
اكتبني بحبارك تشنشينة خبيها بين فخذ و فخذ... ليلة و ميش مش تتفض...كي توشويشني و وذني تعض...و تفسخ و تعاود تكتب انت تحب و انا نرغب... تشعلني تزيد بية تلهب و خليها توڤد شرار... و بلمسة شعل ناري و نارك و ادفن اسراري و خنارك و اغطس فية و اكتب اشعارك بين الرقبة و الصرة... انت حر و انا حرة و احنا واحد موش ثنين...كي نقلك يزي ما تصدق اقرب لية و بدني عنق هو هكا الحب يعرق يسري بين صدري يتسرق بين لحمي و لحمك ما يفرق و لا تغطيني و لا تدرق عوم فية و بحر و غوص و كثر مالبوس المرصوص انت تغرق و انا نحوس... نكذب كي نقلك يزيك انت تبعد و انا نجيك نرمي روحي نغطس فيك و نعاودوا الحكاية ماللول.. مجنونة و انت مهبول لازم هكا الحب يكون غزرة و عسل و دلول و انت لية و انا ليك. و #الحب_الوان
#كلام_الليل
#اكرام_سويلم
