حقيقة

عمركشي غزرت لحاجة مهما كانت علاقة، قرار... أي حاجة في حياتك كنت ترى فيها محلاها و فجأة اكتشفتها على حقيقتها.... عريتها... نحيتها من القوالب الي كنت صاببهم فيها... خرجتها من كلمة عادي و يصير.... نزعتلها القشرة متاع التبريرات و الأعذار.... و ريتها كيما هي بعين وحدة أخرى و عرفت قداهيشي قبيحة و خايبة و ماتجيش؟
تبهت ساعات كفاش نهار تجم تعمي عينك بيدك مهما يكون السبب.... المشكل برشا ناس يرجعلهم نظرهم و يختاروا يغمضوا عينيهم عالحقيقة.... برشا ناس يخيروا الكذبة المزيانة عالحقيقة المرة... أما رآهوا حبل الكذب قصير و بربي قداش شتعيش مغمض عينيك و ماشي في ثنية ظلمة.... ؟