نعرفها و مانعرفهاش... هالطفلة الجديدة الساكنة فية...
تفهمتها و مافهمتهاش... قداش مبدلة و بعيدة علية...
و موش انا...
#القلب تبدل ملي تبهذل... ملي حشم على روحوا خاطر يحب الناس بالساهل...
ملي توجع من قريب و تمرمد ملي كان عزيز و غالي... ملي حس روحوا بلا اصحاب و بلا امالي... و ملي كان حاسبهم اهل طلعوا كيفهم كيف البراني...
موش انا....
ملي عفست على قلبي و تعديت.... ملي لوحت القطايع الي صدت و استغنيت..
موش انا...
#العقل معاش حاير... و لا عاد يبهتوا الي صاير... و لا عاد هاموا في اخبار الي مشاو و خلاو ذكرياتهم في تراكنوا صراير...
موش انا...
ملي صفيت مخي و اخترت....و سكرت قجاراتوا و على حلانهم شهور صبرت...
موش انا....
#الروح خفيفة كي عادتها.... اما مكبشة في محبتها... لا عاد تعطي بلا حساب... و لا تقدر عشرة سنين و لا تعنيلها شي كلمة اصحاب...
موش انا...
ملي معاش نرى في روحي روحي... ملي وحدي طحت و وقفت و بيدية بريت جروحي...
ملي معاش نتكى على حد بلي يصير... ملي ولات تضحكني كلمة عشير
#موش_انا... و #انا...
#كلام_الليل #اكرام_سويلم
Koukou
Saturday, May 25, 2019
موش انا و انا
Subscribe to:
Post Comments (Atom)
No comments:
Post a Comment