نعرفها و مانعرفهاش... هالطفلة الجديدة الساكنة فية...
تفهمتها و مافهمتهاش... قداش مبدلة و بعيدة علية...
و موش انا...
#القلب تبدل ملي تبهذل... ملي حشم على روحوا خاطر يحب الناس بالساهل...
ملي توجع من قريب و تمرمد ملي كان عزيز و غالي... ملي حس روحوا بلا اصحاب و بلا امالي... و ملي كان حاسبهم اهل طلعوا كيفهم كيف البراني...
موش انا....
ملي عفست على قلبي و تعديت.... ملي لوحت القطايع الي صدت و استغنيت..
موش انا...
#العقل معاش حاير... و لا عاد يبهتوا الي صاير... و لا عاد هاموا في اخبار الي مشاو و خلاو ذكرياتهم في تراكنوا صراير...
موش انا...
ملي صفيت مخي و اخترت....و سكرت قجاراتوا و على حلانهم شهور صبرت...
موش انا....
#الروح خفيفة كي عادتها.... اما مكبشة في محبتها... لا عاد تعطي بلا حساب... و لا تقدر عشرة سنين و لا تعنيلها شي كلمة اصحاب...
موش انا...
ملي معاش نرى في روحي روحي... ملي وحدي طحت و وقفت و بيدية بريت جروحي...
ملي معاش نتكى على حد بلي يصير... ملي ولات تضحكني كلمة عشير
#موش_انا... و #انا...
#كلام_الليل #اكرام_سويلم
Koukou
كلام اليل هو كل حاجة تقولها لروحك و كل حجة تخبيها عليها هو الكلام الي سعات تحكيهولك تصويرتك في المراية و تراه في عينيك الي مش تنطق و ما تجمش كلام اليل هو الحلمة البعيدة و الامنية الضايعة هو الوقت الي عشتوا في خيالك و الشي الي سمعتوا ما غير ما تقال اما اهم حجة كلام اليل هو الي يطلع في لحظة مالقلب في لحظة حقيقة في لحظة تعبر فيها علي خبيتو في دغاغر قلبك الكل كلام اليل هو الحظة الوحيدة الي تجم تكون فيها صادق مع روحك لدرجة انك تجرحها...
Saturday, May 25, 2019
موش انا و انا
Tuesday, May 14, 2019
Monday, May 13, 2019
الى من لا يقرأ
الى ذلك الذي لا يقرأ....هذه رسالة مني اليك ،رسالة لم و لن تصل : مازلت ادعوا الله لك و مازال قلبي على عهده فأنا امرأة اذا احبت لا تكره و لا تنسى ....لن اتغير و لن افقد نقاء قلبي لمجرد انك فقدت نفسك و رميت قلبك ....مهما تغيرت و مهما اجتهدت ان تظهر في عيوني صورة رجل جدير بالاحتقار فهذا لن يغير شيئا من ما قد مضى ...مازلت اراك بروحي لا بمقلتي كنت و لازلت بالنسبة لي جديرا بالحب ....ها قد مضى ما قد مضى و انتهى ..ستدرك يوما ما ان الكابوس الذي عشناه معا اجمل بكثير من واقعك التعيس ...الجروح التي خلفتها بروحي لا تزيدني الا قوة و يكفيني اني سأبقى عالقة بذهنك كذنب عظيم لا يغتفر ...ستتذكرني حين تباغتك الامطار ..ستذكرني كخيط رفيع بين الجنة و النار ...و سأذكرك كرجل احترف الهروب و الفرار ...ستبقى متأرجحا في ذهني بين صورة طفل فاقد للامان و رجل جبان ...ثم ستسقط من ذاكرتي كأنك لم تكن. #اكرام_سويلم #كلام_الليل #تخلويض
Sunday, May 12, 2019
نهاية
_يا هذا انا لا اشكي لك غيابه بل اشكي لوعتي... احدثك علني لا احدث نفسي...لم تعد نفسي تسعفني صارت تسر الي بافكار جنونية تتارجح بين الفناء و الاختفاء... احدثك لا لانك صديق و لا لانك رفيق، بل لانك كنت هناك منذ البداية و الى نهايتي...لم تعد دموعي تسعفني و تتملكني رغبة في سلخ جلدي او اقتلاع قلبي...عل المهما يكون اهون من هذا الوجع الذي استبد بروحي... لا تكف دموعي عن الانهمار لكنها لا تطفئ حرقتي..
_حذرتك..منذ البداية..لكن لابأس..لا تذرفي دموعا كي لا تحترق وجنتاك..دعك من التراب و إنشغلي بالماء قليلا..ربما يصفو ذاك التعكر..تجربة مليئة بالجمال لكن هي تجربة و مضت !! دعك من الأطلال فهي قاتلة..تعودي التناسي فهو جميل أحيانا..
_لا ذنب لي ان احببت....خدعت حين استمريت ارى في عينيه حياة اخرى ليس فيها غيرنا...اخبرته مرارا اننا نعيش وهما ...ظللتني دموعه و ابتساماتي ...كل التراب الذي بكأسي لم يكن له معنى بين احضانه ....مشكلتي في الحب اني عشته بكلي بروحي بقلبي تجاهلت ان لي حياة غير الحياة...تغيرت لاجله و صرت لا اعرفني...احببت ضعفي بين احضانه....كنت اعلم ان لا مستقبل لنا لكني لم استطع الابتعاد ...يخنقني هذا الذي انا فيه....ماء كأسي سكبته عيناي و التراب صنعت به تمثالا صغيرا يحمل قلبي و قلبه ...و الان رمى بتمثالي عرض الحائط...هنت و هانت ذكرياتنا ...كنت اعلم انه سيكون البادئ بالابتعاد ....اكدت له ذلك فانكر...كذب هو و صدقه قلبي ....لعنة على قلبي, احبه.
لن اقول انني الملم نفسي فما عاد لي نفس الملمها تركت اخر انفاسي على شاطئ البحر....لم اعد ارى ان على هذه الارض ما يستحق الحياة ...ها اني يا صديقي انظم اليكم صرت ميتة حية.
اه و الف اه ....صرت اكتب قصائد رثاء لروحي....فليعش و ليدفن قلبي ...قال لا يستطيع البقاء و ذهب ...صرت بقايا ...ليتني لا استفيق غدا.
توقف لا داعي لان تجيبني فلا ابحث عن اجابات ...اكتب لأفرغ منه فقط ....يبدوا اني لا اكتب غير النهايات. #اكرام_سويلم #كلام_الليل
Koukou
Monday, January 14, 2019
نسيان
نارك الي شاعلة فية طفيتها ....و الذكرى الي جمعتنا فسختها و محيتها...تبسيمتك و نظرت عينيك الي حبيتها و كلامك الي كنت حافظتوا لميتهم في فاليجة مسكرة و خبيتها...ريحتك الي كنت نتنفسها و لمست يديك كرهتها و نسيتها....التعنيقة اليتيمة و المحبة الي لاصقة فية قلعتها من جواجية و بعيد رميتها....زناقي الحومة و وسط البلاد و القهوة الي لمتنا معاش تعنيلي شي اذا جيتها....و حتى عشقتك الي كبرت بدموعك كي سقيتها ذبلت و من وسطي نحيتها....و تعلمت نكذب و نخبي ما نحكيش....و نفرق بين الي داخل لحياتي يلعب و الي جاي باش يقعد و مايمشيش....و كلوا على مافيش ...مازلت ساكن فية .... #اكرام_سويلم.
Saturday, January 12, 2019
كي يضيق بيك الدهر
لا اعلم ما يصيبني... اهو نوع من الضيق... ام افتقاد لصديق؟
بعد الي عشناه الكل... بعد الدمعة الي رقرقت في عينيك نهار الي قتلك خليني... خليني بعيد و اخطاك من هالبر و معاش تجيني... بعد كلام سوايع عقاب الليل وقت الي عقارب منڤالتي ثقلوا و انا نستنى فيك تسكت و ما تزيدش على ما بية.... بعد الملام و الصياح و الغصة الي في حلقي خنقتني و ضميري بهذل بحالي و بية....بعد العشرة و العمر و الايام الي ضحكنا فيهم من القلب و العينين....بعد الفلس الي غلبناه بركشة عالشط و تبشطيرة سيجاروا بيناتنا الثنين....وقت كنت تتكى على كتفي و نتوسد كتفك و نحكيوا نحكيوا و مايوفى الحديث... و تشهد علينا نجوم السماء و القمرة و نسمة الليل....وقت كنت عليك نتسند كي نميل... و نقوى بيك....و تاقف و تقلي هاني معاك لاخر الدنيا لين يوفى عمرك و عمري.... معاك.... معاك وقت الي كنا صادقين... وقت كلمة اصحاب كانت تغششك و تقلي مانيش كيف الاخرين.... انا وياك اكثر من هكا... اكثر من صحبة و اكثر من عشرة و اطول من عمر.... بعد ما كنت نتفرج في روحي من شبابك عينيك و تخطفني اللمعة....نمسح دمعة و راء دمعة و نلوح وجيعتي وراية... المهم انت معايا.... معايا لاخر الدنيا.
و اه يا دنيا... شعملت فينا بعد هذا الكل؟....علاش تبدلنا و من وقتاش الوقت يغيرنا....و عمرنا ماغدرنا و لا واحد من لاخر تضر.... زعمة عين و صابتنا.... و الا محبة الغير غطات على محبتنا....و الا فرقتنا قضاء و قدر؟.... تي لا عاد موش بعد هذا الكل....يشهد علينا التعب الي مع بعضنا تعبناه و العهد و الوعد و موج البحر.... كي قلنا مايفرقنا شي و مايدوم في الواد كان الحجر....و انت حجر الساس.... و انت الخو و الصاحب و العشير و الناس.... و شحاشتي بالناس ما دامك موجود و مدام الود بيناتنا معقود....في بالي شتكمل معايا لاخر الدنيا.....و تو شغلتك الدنيا؟
نعمبوا الدنيا الي تبعدني عليك....و الوقت الي يخطفك مني.
و ماتقولش موش منك.... منك و مني....و عليك نغني :
كيف تتكــدّر كي الجو في سمـاك يبــدى معكّــــر
وتعيش في الدنيا وتتفكّـــر.... محبّــة وما فيهاش حتى خيانــــة... محال تلقى غير حبّــي انــا.
#اكرام_سويلم #كلام_الليل
Koukou
لحظات
جلست انا بلا صوت...
و مرت بيننا لحظات من الصمت...
احمرت السماء خجلا...
و وقفت انت وجلا...
تترقب مني عاصفة من الكلمات...
لكن المعاد فات...و قد خيرت السكوت...
و شاهدنا الغروب معا..
بينما الشمس داخلي كانت تموت...و لا وقت لقبول التعازي.
#اكرام_سويلم #كلام_الليل