كيما كل مرة

موجة شقلابة

بحر و غابة

المطر خيوط

النجوم سماية 

و نار شاعلة ضواية

خيمة قماش و عقاب غناية 

يا ناسيني و انت على بالي... "

قلي عاجبك حالي 

انا منك هربت

هربت و جيتك 

خيال منامة 

و الا يمكن حلمة 

لميت كلامك بالكلمة 

من اول مرة تلاقينا 

و سألت طيفك كيفاش وفينا

قالي وفينا هكا

في ليلة ظلمة بلا قمرة

نار شاعلة تنهش فية 

و انت مجافيني و بايع

و عامل من دمعي صنايع

تقلي بيك نحيا و معاك ضايع

وفية 

لكن فيك ما يثمرش 

و قلبك صحراء بلا ماء 

فيه حبي ما عمرش

قد ما سقيتك ما نفع

تي مو حبك خليقة ذابل 

و كل مانجيك نلوج في حل 

تخلطلي الحابل بالنابل 

و تخرج فيه الخايب و البدع 

انا تهديت، سلمت أمري لربي 

و كفرت بالحب من بعدك و سكرت قلبي 

و كان عالذكرى يجيها نهار و تتنسى

و يعاوني بعدك و تولي ضبابة 

و يصبرني منظر النار و الغابة و لون السماء 

و ننساك. 

#اكرام_سويلم #كلام_الليل 

وقتاش؟

 ...

هزني، اخطفني، اهرب بية ،تحرك، تكلم ،عيط و صيح، قلي نكرهك، قلي نحبك، قلي ايجاني ولا حتي ابعد علية ، المهم اعمل

 

حاجة يزيك ما قعدت واقف في وسط الثنية ، لا خليتني بعدك نقدم و نمشي و ننساك و لا مشيت انت و لا حتي خلطت علية،

 

تو سنين في حيوط قلبي عامل كي مسمار جحا ، لا خذيتوا ليك و لا خليتوا لغيرك ، تجي تتضلل باحضاني و تتوسد صدري و

 

تحكيل حكاياتك و اخر العشية تلم كلامك و ما غير سلام تمشي و تخليني ...ضايعة بين ذاكرة قوية ما تنساش بالساهل و بين

 

رغبة في اني نقلعك من عروش قلبي و نرميك بعيد ، بين كلام قلتوا و كلام عمرك لا مش تقولوا ، كل مرة تخليني حايرة بين

 

حرارة النظرة الي في عينيك كي تجي و برودة اديك كي تمشي ، سعات نحس روحي حافضتك كي كف يدي و سعات نحس

 

روحي ما نعرفكش ..يزي ما حيرتني لا عاد فاهمتك لا حبيب لا غريب ، لا بعيد و لا قريب ، و معادش فاهمة انا بالنسبة ليك

 

شنية ،علاش مخليني هكا معلقة بين هوا و فضاء ، لاني فوق السحاب و لا حاطة ساقية في القاع  ، ماشي بسياسة لا نحبك

 

و لا نصبر عليك ، انت لية وانا موش ليك ، تعبتني معاك، حاسبة روحي حرة وانا بيك مقيدة ، رابطني بسلاسلك و طاير بية ،

 

نغزر  لسماك ونتننفس هواك و عايشة ندهدص في حبك ، اما سماك ضيقة تقول تصويرة في كواتروا و هواك يخنق و حبك

 

معذبني ...

 

وقتاش ؟

وقتاش تقرر تقدم ولا توخر ، تقعد معايا ولا تذوب و تتبخر، وقداش ؟، قداش شتقعد متحير  و بين كل ساعة

 

و ساعة رايك تغير ..انا ما طالبة منك شي ، نحبك تفهم روحك و تفهمني ..ما نحب نسمع منك كان حاجتين قلي يا معايا

 

شتعيش يا مني تخرج و ما ترجعليش ، انا تعبت مالمستنية و كرهت حاجة اسمها حب عزيز و كيما قالوا ناس بكري

 

"الي يناديك ناديه بالصوت حتي يواجب و الي يخليك خليه و هبط عليه الحواجب"

شيطانة ‏

في بالي مني تخلقت
في بالي ملايكة باسمي تسبح اذا نطقت
في بالي  انا الرب
تي ماك ملايكة و عبدتني باسم الحب
و كتبت فية قصايد و كتب....
غريتني
انت السبب... انت الي جيتني
فرشت ارضي سجادة، اعطيتني قدر و عليتني
عبدتني، سجدتلي، صلتني....
غريتني...
شيطانة و غويتني
كفرت بية و للنار رميتني...تفلقت
تفلقت، تخنقت،.غفلقت و قمت فيك عيني و ريتك
شيطانة
صحيح الغزرة ولهانة
و الضحكة رنانة
و الشفة حمراء مليانة
و الخفة و الفيانة و الخطوة المزيانة
و الوجه وجه ملايكة لكنك شيطانة...
شيطانة و لزيتني
خبلتني ،عقدتني و طيرتني سابع سماء كي حبيتني
و كي جيت نمس أطراف الجنة في جهنم دزيتني
تحرقت....
تحرقت و مازلت نحبك
و يتقطع لساني في كل مرة حبيت نسبك... مانسبش
و نحبك تحبني اما اذا بالسيف مانحبش
اما تمنيتك تكبش
شيطانة.

#اكرام_سويلم 

Koukou

سجينة

بداية الجلسة... محكمة! 

التهمة: محاولة الهروب 

الساعة :منتصف الليل

المتهم: دمعة

حبيسة انا... حبيسة منذ قمرين و هلال...كل ليلة تتلأأ النجوم في السماء و ينحدر بعضها اشتياقا لملاقات الأرض، يجلس عاشقان على سطح مبنى و يتمتمان بعض الامنيات و لا أمنية عندي الا ان انطلق... اتحرر من هذه المقلة التي تخنقني و ابلل شفتين ترتعشان و لكني لا أفعل. 

حبيسة انا اتلأأ كالنجوم و لا انطلق... اختنق. 

the devil and me

I know you make me the worst version of myself you always been the one growing my devilish side
I know that when I'm with you I'm the self I always try to hide
You're the box containing my sins my mistakes and the dark spots that used to live in my mind
You're the other reflection of my mirror the one hanging upside down confused and blurry
Your are everything that made me sad angry or sorry
The other me
The one no one truly see
And I know u walking away is for the best
When you're gone the beast inside me slept in his nest
Like a sweet little angel
An angel without wings as it has fallen from heaven a long time ago
I know you had to move on and let go
You needed to become a better version and make me one
I understand but...
But you need to know it's not that easy
The upside-down mirror was part of me and as you left it shuttered
Now that part is missing and I will be never all
Its maybe for the best but I'll be always incomplete
Something missing and that something is you
My sweet devil
I am now an angel
An angel with broken heart and a tear stuck in his eyes
An angel that will never recover from all the betrayal and lies
Not today not tomorrow not in a thousand years not even when it dies
It will never be same and heaven is not an option
As an angel without wings is casted away
When I die without you by my side I'll be a trapped soul
Somewhere in between
Not in eden not in hell but somewhere is never seen
Somewhere where the lost souls live forever in torment
Longing for the one thing missing as I am longing for "you "

عسى

اقتربت من الله أكثر..
اتجهت بكل قلبي للصلاة و الصوم..
ابحث بين السجدة و الركعة عن سلام يكتنفني...
تضرعت كثيرا بيدين مضمومتين إلى صدري و دموع تغسل خدي...
ترجيت الله أن ينقذني منك...اكبر..اكبر الله علي انسى اسمك..بين تكبيرتين..
استغفر كل الليل.... فحبك خطيئة وحده ربي قادر على غفرانها...
بكل الإيمان الساكن بين ضلوعي و بكل الحب الذي أحمله للله وحده.. كنت مقتنعة انك ستمحى...
و انمحيت.
حمدت الله كثيرا حين وجدتني ابتسم في سجودي لذكرى رجل أنعم به ربي لي من بعدك.... حينها أيقنت أن فقدانك رحمة... و عسى أن تكرهوا شيئا و هو خير لكم...

بلاصة غريبة

في الوسط.... بلاصة غريبة بين قلبي وعقلي
موش منطق و موش احساس...
هوني كل شي متبدل...
الأحداث و المشاعر و الناس...
هوني حقيقة تخوف و ماعندهاش ساس...
هوني حاجات موش فاهمتها و تصاور غريبة مكفنتها...
منهم تصويرتي انا...
تصويرة قديمة و مدغدشة و كلها خطوط و ماتتشبهليش...
تصويرة مخبيتها على روحي فيها الماضي الكل...
فيها الخايب و المصايب و الاغلاط و العقد الي مالهمش حل...
هوني بلاصة بين قلبي و عقلي...
موش سحاب و موش سماء و لا تغرب فيها شمس و لا يطلع فيها قمر....
هوني كل شي عريان...
العباد كي نراهم ، بلا اعذار بلا قيمة و قدر...
نراهم كيما هوما بلا زينة بلا محبة ادغدش نظر...
الذكريات مشوهة بالحقيقة بالكلام الواضح موش المتخبي بين سطر و سطر...
هوني قلبي ماعندوا سلطة مايجم يغلف شي بالمحبة...
لا يجم يزيد لا ينقص لا يشعل فنار...هوني في الظلمة تتربى...
تتحل عينية و ماعندي وين نتخبى...
ماعندي باش نوهم روحي و مانجمش نكذب...
هوني الحاجات الي ترعب و منها نرهب....
في هالبلاصة الغريبة بين قلبي و عقلي....
موش ارض و موش شجر و لا تحرق لا تكوي و لا فيها ماء و لافيها ظل...
هوني ما يعقل عقل و لا عندوا منطق و أحكام...
لا ينفع استنتاج و لا ارشيف و لا حسابات في زمام...
هوني روحي تهوم وحدها بلا جوجمة افكار و سفسطة كلام... هوني الصمت التام...
ماعندي فاش نشد و نكبش....
هوني نجي عالغفلة و انا هاربة و مانحبش...
بلاصة غريبة و مانحبهاش و شكون يحب الحاجة الي مايفهمهاش ؟...
اما هوني تجم تفهم كل شي اذا نجمت تواجه روحك...
هوني الحقيقة...
حقيقتي و حقيقتك و حقيقة الناس...
هوني ترى الخايب الكان متغطي...
و هوني يبان معدن الحديد المصدي...
و هوني المراية تصويرتها موش معكوسة...
بلاصة غريبة بين قلبي و عقلي... بلاصة تخوف مسكونة ،مهجورة و ملبوسة...
و لو كان تعرفوا مخيبها الحاجات على حقيقتها و مخيب منظرها في مرايتها...
هوني مانحبش نجي اما هي تهزني من غير ماتشاور....
تفرش قدامي الأحداث بالجملة و الكلام و الناس و من الذكريات تصاور...
و تقلي تفرج و حل عينيك... هذا الي ليك و هذا الي عليك...
و انت و روحك ميزان...
و انا نجري و نهرب و لا نحب لا نوزن لا نعرف لا نقر...
نهرب و نلقى روحي في بلاصة غريبة بين قلبي و عقلي...
#اكرام_سويلم #كلام_الليل koukou