نسيان

نارك الي شاعلة فية طفيتها ....و الذكرى الي جمعتنا فسختها و محيتها...تبسيمتك و نظرت عينيك الي حبيتها و كلامك الي كنت حافظتوا لميتهم في فاليجة مسكرة و خبيتها...ريحتك الي كنت نتنفسها و لمست يديك كرهتها و نسيتها....التعنيقة اليتيمة و المحبة الي لاصقة فية قلعتها من جواجية و بعيد رميتها....زناقي الحومة و وسط البلاد و القهوة الي لمتنا معاش تعنيلي شي اذا جيتها....و حتى عشقتك الي كبرت بدموعك كي سقيتها ذبلت و من وسطي نحيتها....و تعلمت نكذب و نخبي ما نحكيش....و نفرق بين الي داخل لحياتي يلعب و الي جاي باش يقعد و مايمشيش....و كلوا على مافيش ...مازلت ساكن فية .... #اكرام_سويلم.

كي يضيق بيك الدهر

لا اعلم ما يصيبني... اهو نوع من الضيق... ام افتقاد لصديق؟
بعد الي عشناه الكل... بعد الدمعة الي رقرقت في عينيك نهار الي قتلك خليني... خليني بعيد و اخطاك من هالبر و معاش تجيني... بعد كلام سوايع عقاب الليل وقت الي عقارب منڤالتي ثقلوا و انا نستنى فيك تسكت و ما تزيدش على ما بية.... بعد الملام و الصياح و الغصة الي في حلقي خنقتني و ضميري بهذل بحالي و بية....بعد العشرة و العمر و الايام الي ضحكنا فيهم من القلب و العينين....بعد الفلس الي غلبناه بركشة عالشط و تبشطيرة سيجاروا بيناتنا الثنين....وقت كنت تتكى على كتفي و نتوسد كتفك و نحكيوا نحكيوا و مايوفى الحديث... و تشهد علينا نجوم السماء و القمرة و نسمة الليل....وقت كنت عليك نتسند كي نميل... و نقوى بيك....و تاقف و تقلي هاني معاك لاخر الدنيا لين يوفى عمرك و عمري.... معاك.... معاك وقت الي كنا صادقين... وقت كلمة اصحاب كانت تغششك و تقلي مانيش كيف الاخرين.... انا وياك اكثر من هكا... اكثر من صحبة و اكثر من عشرة و اطول من عمر.... بعد ما كنت نتفرج في روحي من شبابك عينيك و تخطفني اللمعة....نمسح دمعة و راء دمعة و نلوح وجيعتي وراية... المهم انت معايا.... معايا لاخر الدنيا.
و اه يا دنيا... شعملت فينا بعد هذا الكل؟....علاش تبدلنا و من وقتاش الوقت يغيرنا....و عمرنا ماغدرنا و لا واحد من لاخر تضر.... زعمة عين و صابتنا.... و الا محبة الغير غطات على محبتنا....و الا فرقتنا قضاء و قدر؟.... تي لا عاد موش بعد هذا الكل....يشهد علينا التعب الي مع بعضنا تعبناه و العهد و الوعد و موج البحر.... كي قلنا مايفرقنا شي و مايدوم في الواد كان الحجر....و انت حجر الساس.... و انت الخو و الصاحب و العشير و الناس.... و شحاشتي بالناس ما دامك موجود و مدام الود بيناتنا معقود....في بالي شتكمل معايا لاخر الدنيا.....و تو شغلتك الدنيا؟
نعمبوا الدنيا الي تبعدني عليك....و الوقت الي يخطفك مني.
و ماتقولش موش منك.... منك و مني....و عليك نغني :

كيف تتكــدّر  كي الجو في سمـاك يبــدى معكّــــر
وتعيش في الدنيا وتتفكّـــر.... محبّــة وما فيهاش حتى خيانــــة... محال تلقى غير حبّــي انــا.
#اكرام_سويلم #كلام_الليل
Koukou

لحظات

جلست انا بلا صوت...
و مرت بيننا لحظات من الصمت...
احمرت السماء خجلا...
و وقفت انت وجلا...
تترقب مني عاصفة من الكلمات...
لكن المعاد فات...و قد خيرت السكوت...
و شاهدنا الغروب معا..
بينما الشمس داخلي كانت تموت...و لا وقت لقبول التعازي.
#اكرام_سويلم #كلام_الليل

شفيت

يغمرني شعور عميق غريب ...خليط من الارتياح و الاجهاد ...كمريض سرطان عوفي حديثا ....سعيدة جدا اني استأصلتك من حياتي، فوجودك كان يستنزفني .
اقتلعتك اخيرا و كنت اعتقد اني سأتعايش معك الى الابد ...كنت تعودت  ...تعودت عذاباتك الطويلة .
كانت الفترة الماضية بالنسبة لي كجلسات علاج كيميائي،صور اشعة للذاكرة تصيبني بالغثيان....ليال حزينة كثرت فيها اهاتي ، تساقطت خلالها بعض اجزائي و تملكني الوهن...و لكني بعدها شعرت بتحسن كبير جرعات دموعي كانت اشبه بمسكن قوي ...جعلتني يوما بعد يوم استجمع شجاعتي للمواصلة ...و من ثم رأيتك و حدثتك و كان ذلك كل ما احتاج لأتأكد أنني شفيت ...#شفيت_تماما ...استأصلتك من دماغي دون ان اشعر ....يبدوا انني كنت تحت تأثير الخدر او ربما هي غيبوبة قصيرة استفقت منها عندما رأيتك ...."ورمي" بدوت لي حقيرا جدا ،صغيرا جدا ، تافها جدا ...لم استوعب كيف لشيئ بلا قيمة ان يجعلني اتألم كل ذلك الالم ...و لكن #حمدا_لربي الذي ابتلاني بك فقد صرت الآن اقدر قيمة الحياة و اشكر الله كثيرا للنعم التي بحياتي....اما انت فسلة المهملات اولى بك ...هكذا هي الاورام المسرطنة....نهايتهاالقمامة  #اكرام_سويلم