Thursday, November 27, 2014

sexfriends


We thought it would be easy
We're just fooling around
"It's just sex" , as simple as it sound
We agreed , we shook hands
And decided we're sex friends.

We made rules, laws to follow
No emotions , no feelings no sorrow
No sweet talk or spending nights
kissing , cuddling or pillow fights
just 2 bodies under one sheet
A fusion of sweat and meat
It was all about desire and lust
Something we were sure would last

Day after day he made the call
Every time when the night fall
I did the same i called him too
For a nice bed time out of the blue
What we had was just intense
He filled me with pleasure in every sense
With just one touch he sets me on fire
Expressing through me his burning desire
He made me smile, he made me glow
As the affection between us grow
Until one day came this weird feeling
Filling my heart as i looked to the ceiling

And then everything changed.

KOUKOU

هائمة



تمشي على غير هدى تبحث عن من تحب 
جميلة كطير عدن طوح بقلبها الحب 
فارسها كالسراب يتلاشى كلما تقترب
لاجله تركت الدنيا و في الاحلام صارت تغترب 
تراه في كل رجل يقترب منها او يبتعد 
صفاته مثالية ملأها الحنان و الود 
سئمت طول الانتظار 
سئمت تبحث ليل نهار 
طال عليها الزمن و ذاك حال المغترب 
سرق المجهول قلبها و قلبها اكثر ما تفتقد
تسائل الاقدار عنه علها اثره تجد 
تسائل عنه النجوم، الكواكب و الاقمار
تتحدث عنه للجبال للمرتفعات و الانهار 
هائمة صارت هي في قلبها نار تتقد
KOUKOU

Friday, July 4, 2014

رسالة مضونة الوصول

صديقتي العزيزة 

اليوم حلمت بيك ،كان ريت محلاها الحلمة كيما حياتي انا وياك ايام زمان ،ولله فقت متبسمة ،حلمت الي انا وياك نقراو في الفاك
 مبعضنا و  معنا شوية جماعة ملي نعرفوهم و منهم اكي الطفلة "صاحبتنا" عرفتها؟ (باز راك عرفتها هه) عاد في حلمتي انت اطول شوية و ماغير ما تقلي جملتك الشهيرة "من قرب الي الارض كثر شره" (نعرفك لفعة ما تخافش ههه) ، ما عليناش تمشيشي في بالك الحلمة فيها بارش محبة و سعادة و اخلاص ؟ لا يا بنتي قتلك كيما حياتي انا وياك حاصيلوا 1/4 الحلمة انا وياك في صحفة العسل نغطسوا و نقوموا (قول ربي يحنن القلوب علي بعضها :پ) اما ال 3/4 لخرين و مابين نبزيات و زرارق ساخرة جدا و نظرات وعيد تجم تقول كيما اخر عام شفتك فيه و اذاكة الي عجبني في الحلمة ، اول مرة نحسك حية ببلادتك و ركاكتك و صوتك الي كي يعلا صعيب باش يسكت ،توحشتك، عاد في الحلمة قتلك "الله يرحمك" كحرتلي و مشيت ،شنوة تغششت خاطر نقلي في الحقيقة كي عادتك !! زايد مستكة حتي في الحلمة اما توحشتك، توحشتك فوق ما تتصور ،توحشت فيك كل شي بالباهي و آلخايب ،توحشت جونا و بلادتنا ،هذا اول رمضان يتعدي علي عيلتك و انت مكش معاهم ربي يصبرهم انشالله ،حقي في بالك عيد ميلادك اليوم؟ ما تقولش نسيتك و المرة هذي مافماش فايسبوك ذكرني فيه ، لا لا ما تذكرتوش وحدي انت قتلي في الحلمة هههه الصبر ديما عاملة قاوق علي جرد عيد ميلاد اما المرة هذي مانيش شنقلك عيد ميلاد سعيد ! سنقلك ربي يوسع عليك وين ما انت و يرحمك و ينعمك و راك تبقي 
ديما في قلبي و نحبك برشا و توحشتك برشا و هاني جاية تو نطل عليك يا سلعة 


KOUKOU
صديقتك المخلصه 

Thursday, June 19, 2014

صدفة دون ميعاد


..."في كل خطواتي اليوم تمنيت ان التقيك صدفة"

 ...صدفة دون ميعاد
.. صدفة تاخذني اليك دون ان احاور كبريائي و دون ان انازل كالعادة عقلي او اغالب حيائي


صدفة من دون تدبير
 تلتقي خلالها عيناي بعينيك فتنسى ما كان من بعد مرير 
و تهفوا اليك مع كل خطوة نفسي و تكاد بالشوق تطير
 تركض فيها روحى اليك معترفة انك سجاني ـ يا ايها الرجل الخطيرـ 
و ان اقسي اسلحتك صمت يقتلني بين شهيق و زفير
 ان ثرثرة سكوتك عذاب مستتر الضمير
يشعل دون رحمة في قلبي نيران سعير
 فيما على نفس الدرب نسير
فيما يصلني عطرك رقيقا كخيط حرير
 يحيل حواسي فوضي تثير 
 فارتمي بين يديك كطفل صغير 
وجد صدفة من الحلوى الكثير 

 لكني اذكر ان الصدفة لقاء في عمر الورود قصير 
 و انك رجل بالكلمات فقير
 اني انا من كان في هذه الحرب الاسير 
"فتموت امنيتي سريعا "موت الورود في لفح الهجير 

KOUKOU

Tuesday, June 10, 2014

Expectation and reality

I've always known "this" will end 
You will no longer be my "friend" 
and as time passes and goes by 
We will have to say goodby
You will go in your own way
and i wont even ask you to stay
Just like that you will be gone
and i will be left alone 

 Weeks pass and years rush on 
I'm facing life in my own 
No, you're not by my side 
I've always known deep down inside
What we had was a short ride
Coz you and i , we're not the same 
What we had was a foolish game 
and games quickly become so lame 

Did you get it, now do you see
My expectations are my reality 
That's the thing about me 
I've always known what it will be
The end between you and me 

Monday, March 24, 2014

بلا بيها ما نجمش نعيش



نلوج علي روحي ما لقيتهاش , درا شنية حكايتها الايامات ولات ديما ضايعة تخرج مني و ما ترجعش  , تبعد لبعيد و قد ما اناديلها تعمل روحها ما تسمعش , ممكن متغشا خاطرني سعات نصيح عليها , و سعات تصيح علية و يولي بيناتنا كلاش 
نطردها تقولي نرمال منك نخرج و ما نرجعش , اما انا نحبها و كان ما جيتش نخاف عليها ما نلومهاش 

,  هية كثرت الحق قد ما ننصحها تطفيني و تنظرلي نظرة على نصحها ما تشجعش , حاسبتني غائرة منها ...

 اي اي روحي و نعرفها كيفاش تخمم في بالها خاطر هية تعمل الي تحب و ما يهمها في كلام حد و ديما نافحة بروحها لا يهمها ذم و لا سب  , في بالها غايرة منها من سحر ضحكتها  من جوها , من قوتها كي ما تسكت الا ما تقول كلمتها,  من نزواتها , شهواتها  , و من تصعصيعها و هبلتها حاسبتني نربط فيها  و نقمع في حريتها.....

أذاكة علاش روحي تكرهني,  و  تكره لحمي و شحمي , تكره الشقف الي حاصرتها فيه , اذاكة علاش هاربة مني و كل ما نتقابلوا في عوض نهنتلها تهنتلني,  حاسة الي انا رابطتها , ظالمتها كي فية مسكنتها ، حاسة الي انا مقيدتها , ساجنتها معذبتها و بعقلي و رزني قاتلتها ..

تكرهني تكره منضري كي تشوفوا في مرايتها , و قد ما نفسرلها الي هية انا و انا هية ما تصدقش و تمرڨ فية ...

 روحي روح جامحة طايرة بلاش جوانح , راسها صحيح اما خفيفة تميح كل ما تهب عليها نسمة , ولا تنفخ عليها ريح ..قد ما نقريها و نوريها اتلفني و ما تقدرنيش,  رغم تعرف الي انا ننصحها خاطر نحبها ما تعذرنيش ..

 اذاكة علاش هاربة مني ، هاربة من مخي من مبادئي و كان تلقي تتبري مني,  اخر مرة حكيت معاها جرحتني ممكن خاطر شطر كلامها صحيح,  روحي طايشة و كي تخرج وحدها تضيع اما انا بلا بيها ما نجمش نعيش ...عندي ...ايام ما ريتهاش اما نعرفها حنينة قد ما تهيم و ادور ترجعلي 
وحدي ما تخلنيش 

KOUKOU

Tuesday, March 11, 2014

عندي مدة ما حلمتش


 غريبة انا مالناس الي كل ما نغمض عنية نحلم و سعات نحلم و عينية محلولين

: سعات نحلم احلام مهبلة و مجانين

طرف من فيلم اخر اليل نفة من فازة صارت قدامي و تفويحة من حديث النساوين

 تخلويض و برشا حكايات في بعضهم مخلطين

، سعات نحلم بحاجات تعداو و فات عليهم عام و عامين

 تفاصيلهم والكلام الي فيهم تقال كاينهم في مخي موشمين

 نشوفهم في منامتي كاينهم توا صاروا و هما عمرهم سنين

 سعات نحلم بحاجات اخرين و سعات نحلم بين احنا الثنين

 ، سعات تجيني ما بين نومين

، اما تجيني متبدل ، انت اما راجل اخر ،

بيناتكم برشا صيفات متشابهين

 نفس النظرة و العينين

 نفس الضحكة و الزين

 هو زادة كيفك حنين

راجل يتشبهلك برشا اما فيه حاجات مبدلين

 ما نعرفهمش شنوما

ممكن خاطروا يقول الكلام الي انت تتردد و ما تقولوش

 الكلام الي منك نحب نسمعوا و ما نسمعوش

 ممكن هو يفهم الشي الي انت ما فهمتوش

 و يعمل الي انت في الحقيقة ما عملتوش

 الحاصل الراجل هذا انت كيما نحبك انا تكون

، و كل ما نحلم بيك نفيق نجيك

  لعل نلقاك وليت تتشبهلو و سكوتك ياكدلي الي انت ما تتشبهلوش

و اذاكة الي خلانا نبعدوا و ما نرجعوش

العجيب ملي بعدنا و ليت هو زادة في احلامي ما نشوفوش

، ملي انت مشيت حتي كي نحلم ننسي

 نفيق و نقعد ننظر لصقف البيت اما ما نتذكرش 

، هو تجي تشوف انا عندي مدة ما حلمتش

. غريبة انا مالناس الي كل ما نغمض عنية نحلم و سعات نحلم و عينية محلولين


KOUKOU

ملاحظة : نعرف الكلام هذا انت ما ريتوش و حتي كا ريتوا اكيد راك ما قريتوش ، اما اذا قريتوا نحب نقلك اليوم حلمت بيك انت موش هو ، اما الحلمة ما كانتش حلوه ، حلمت الي انا حطيتك في دبوزة و في البحر لوحتك و مشيت ،لالا موش اذيكة الفازة الخايبة ،الفازة الخايبة الي الموج رجعك لية 

Sunday, February 16, 2014

كانت روحي

ممكن الكلام الي شنقولو تو فات عليه الوقت و جاء امخر ، امخر برشا ، ممكن الكلام هذا كان لازم نقولوا في وقت اخر ، وقت يكون عندوا فيه قيمة ، اما سعات الكبرياء يخلينا نخسروا برشا حاجات ، يخلينا نسكتوا وقت لازم الكلام و بين كبريائي الكبير و صحة راسها خسرنا بعضنا ، اليوم نتذكرها ــــــ كل يوم نتذكرها ــــــ بعد ما فات الفوت و نتمني نرجع عقارب الساعة و لو ساعة وحدة قبل ما نخسرها نقلها فيها الكلام الي ما تقالش الكل ، نعنقها ،نبوسها و انطبطب عليها ، نلومها و نعاتبها و نصيح علاها ، نقوللها الي انا متغشة منها ،متغشة برشا ، متغشة لدرجة اني نكرها رغم حبي لاها ، نتمني تقلي سامحني و نقلها السماح و نتبسموا و ننساو كل شي و نبداو صفحة بيضة ، نتمني تطلع هية زادة متغشة مني و تعيط و لا حتي ادز بالدم البارد و نحكيو ولو دقيقة في كل شي ما حكيناش فيه و نقلها سامحني و تعنقني و تبكي و نبداو صفحة جديدة ، اما تو ما قعدلي كان التمني تو خسرتها و معادش ترجع و لو سامحتها و لو سامحتني و لو سامحنا الظروف الي فرقتنا .
هي كانت اعز صاحبة لية و اول صحبة حليت عليها عينية ، كانت رفيقة دربي ،جمعتنا الدنيا ملي كان عمرنا 7 سنين ، عشنا مبعضنا كل شي ، اول عام في القراية ، اول قصة حب في حياتنا ، كنا نتشابهوا برشا اما موش الشبه الي يراوه الناس الكل ، كنا نتشابهوا في حاجات ما يعرفوهم كان انا و هية ،حاجات ما نحكيوهم لحد كان لبعضنا و حبيتها ، حبيتها اكثر من اخت و سعات من كثر ما نحبوا بعضنا كنا زادة نكرهوا بعضنا و ممكن هوني المفارقة الي ما نجمش نحكي عليها و لا نفسرها اما كنا فاهمين بعضنا و ما كان حد يجم يفهمني كيفها . علاش بعدنا؟ علاش خسرتها ؟ 
الاسباب برشا اما يتلموا في سبب واحد ، انا و هية وصلنا لمرحلة في حياتنا ولينا ثقال علي بعضنا و كيما جمعتنا الشبيهة ، فرقتنا الشبيهة و زادت بعدتنا اختلافاتنا ،انا وياه كنا ياسر نختلفوا ،نختلفوا في كل شي يجموا يراوه الناس الي دايرين بينا ، و تفرقنا .
تفرقنا خاطر جاء الوقت باش نبعدوا ،  صحبتنا ولات عبأ انا معاش نجم نهزوا ،  الحاجات الي قلناهم لبعضنا جرحونا و فما جروح صعيب تداوا ، كل سوء تفاهم ،كل عركة و كل كلمة خايبة خلقوا بيناتنا واد صعيب باش نتعداوه ، كنا مختلفين برشا ، مختلفين لدرجة معادش نركبوا علي نعضنا : هية كانت ناشطة ما تركحش في نفس البلاصة و انا كنت انسانة هادية ،هية كانت تحب الدنيا تحب تعيش كل نهار بنهاروا و انا كنت عندي اهداف واضحين في الدنيا نحب نوصللهم ماغير ريسك ، هية كانت تحتاجني معها في كل شي و انا كنت محتاجا روحى اكهو ، و اخترت نبعد صحبتنا ولات عبأ انا معاش نجم نهزوا ، كنت نحبها و مازلت نحبها لكن اخترت نبعد باش نجم نعيش ، نعيش بعيد علاها و لا نتعلم نعيش بلاش بيها و خليتها و مشيت ، مشيت وانا مجروحة منها و خليتها مجروحة مني و تعلمت نعيش ، كنت نخمم فيها في كل مرة تضياق علية الدنيا ، كنت نتوحشها برشا و خممت الف مرة نهز تاليفون و نكلمها و نقلها كلام عمري ما قلتهولها لكن كبريائي ما سمحليش و ما نجمثش نسامحها ، و تعداو سنين و احنا كي الاغراب بيناتنا كان السلام و قد ما مدتلي يداها بالصلح ، جاني الصلح صعيب علية و خيرت نبعد ، الحقيقة حياتنا بلا بعضنا كانت خير ببرشا "كالم" بلاش "دراما" اما كانت فارغ ، عالقليلة حياتي انا كانت فارغة بلا بيها اما كانت مرتاحة ، تو كي نخمم فيها نتمني نقلها "راني نحبك ، كنت نحبك مازلت نحبك و شنقعد ديما نحبك ، انت علمتني نكون انا ، و مانيش نادمة الي عرفتك ، انت تعرف الي انت موجودة في كل صفحة في حياتي ، ضحكنا مابعضنا و بكينا مبعضنا و حبينا مبعضنا ، و كيما قتلك في اخر مرة حكينا فيها و قتلي الي انت ديما تتذكرني ، كان انت تتذكرني انا عمري ما نسيتك قتلك رد بالك علي روحك و قتلي تهني صاحبك راجل ، انت كنت خير من الف راجل ، نحب نقلك سامحني ، سامحني خاطر بعدت ، سامحني خاطر وقت كنت نجم نسامحك اخترت اني نقسي قلبي و نعطيك بالظهر ، سامحني خاطر ما مدتلكش يدي وقت كنت محتاجتني نرجعلك و ناقف معاك ،  سامحني خاطر خليتك ، سامحني خاطر فقت امخر ، امخر برشا ، نشالله دموعي الي يهبطوا كل ما نتذكرك يخليوك تسامحني ، نشالله دعاية ليك بالرحمة يعوض كل دقيقة ما وقفتش معاك فيها ، و نشالله كل ما زيارة ليك في قبرك تنسيك في كل مرة كلمتني فيها و ما جيتكش ، نشالله يجينا نهار و نتلاقاو عند ربي و قلوبنا صافية و ننساو الي احنا بعدنا ، نشالله تطللع مرتاحة في تربتك ،نحبك "
نتمني الوقت يرجع ساعة قبل ما نخسرها ،خاطر الخسارة في الدنيا ساهلة اما الخسارة في الموت اصعب ببرشا ...الله يرحمك و ينعمك و يعوضك في جنتوا الخير 

KOUKOU


http://www.youtube.com/watch?v=NAkePPV-DxQ

Friday, February 14, 2014

لاسامي هية هية و القلوب تغيرت

من بكري ما كتبتش و ما عبرتش الستيلوا و الورقة ،ما كتبتش كلام يستحق باش يتكتب و خاصة في الليل ، عندي مدة نحب نحكيلكم حكايات ما قيتش كيفاش اما اليوم قلبي معبي و كلام الليل يتحير في اليل و يحيرني معاه ،عاد قلت نكتب و الف كلمة و لا تنهيدة 
تعرفوها الفازة وقت تختاروا عبد من "الانتوراج" متاعكم ،تعطيه بلاصة معينة في قلوبكم و تحبوه ، تعطيوه قدر انتوما متاكدين الي هو اكبر من قدروا اما بيناتكم و بين ارواحكم تقولوا بالك يجي نهار و يوصل للمستوي الي حطيتوهولوا ، الشخص هذا الي قد ما يغلط تسامحوه و ما تاخذوش عليه و ديما تعديولوا و تقولوا تو يفهم و يقدر ، تو يفيق الي ما لازموش يخسرك كصديق ولا صديقة و لا كشخص مهما كانت نوعية العلاقة ،تعرفوها كي يطوال الوقت الحاجات الي خلاتكم تختاروه هو بالذات تبدي تضمحل و تتنحي و رغم هكا تبداو شادين صحيح انكم تصلحوا و ترجعوا كيما قبل ، البيدايات ديما احلي، لسوء الحظ كل ما انتوما تكبشوا كل ما هالشخص يزيد يبعد و يحس روحوا حاجة كبيرة و قد ماهو يبعد قد ما انت تزيد تخاف من خسارتوا و قد توصل اطيح من روحك باش تحفظ علي صورة العبد هذا الي موجودة كان في خيالكم و الي تختلف برشا عالحقيقة و كل ما انت اطيح هو يزيد يتغر ،خاصة اذا دخلوا ناس جدد لحياتوا ...نقلكم حاجة صحيح الكلنا نحتاجوا لصديق و لشخص "سبيسيال" نهربولوا وقت الغصرة و الخنقة ، الكلنا نحتاجوا عبد نحسوه ما يحسبش معانا ،لشخص نجموا نتصرفوا معاه علي طبيعتنا و حتي علي غير طبيعتنا ، الكلنا نحتاجوا لملجأ نتخباو فيه و لصديق يمدلنا يدوا و يطبطب علينا ،اما ا
لحق يقال صعيب باش تلقي حد يستاهل و حتي الي في اللول يستاهل مع الوقت كل شي يتبدل و وقت تبدا تري الي كل شي تبدل خليه و امشي خير ، اخسروا خير ملي تخسر روحك ،ممكن تحتاج لكف باش تجم تحل عينيك و تري الي الانسان هاكا معادش نفس العبد الي انت عرفتوا اما عاجلا ام اجلا تفيق و وقتها تبعد خير ....حط في بالك علاقتك مع بعض الناس نفحة اما هوما يطيروهالك و كيما قالت 
ذكري يرحمها "الاسامي هية هية و القلوب تغيرت"

http://www.youtube.com/watch?v=pRGnnC35b6Y

KOUKOU