اليلة حبيت نحكيلكم عالاحلام
لا موش الحلم الي تشوفوا كي يهزك النوم اما الحلم الي تشوفوا كل ما تخمم ف حياتك في اهدافك و طموحاتك ، الحلم الي قد ما هو قريبك و بين يديك قد ما صعيب تشدوا و تسكر عليه باش ما يهربش ...
احلامنا هذي تجم تقول اكثر حاجة مخليتنا عنا امل في الحياة ، خاطر الامل لازموا هدف و انا نعرف الي كل واحد حلموا غالي عليه و الي حتي شي ما يجي بالساهل و نعرف الي سعات في لحظة ضعف انت و انا و كل واحد فينا يحس الي هو بعد ياسر عالثنية الي صورها لنفسوا و الي هو ضحي بطوموحاتو الكبيرة علي جال اسباب اخري ممكن شافها في مرحلة من حياتوا اهم ببرشا اما الحاجة الباهية الي احلامنا مهما نسيناها مهما خبيناها لازم ترجع و لازم نرجعوا نمنوا بقدرتنا انا نجموا نحقوها .
نعرف الطريق طويلة و احنا مازلنا "صغار" دوب ما دخلنا معترك الحياة و مازلنا نثبتوا لارواحنا الي احنا قويين و نثبتوا للي دايرين بينا الي نستحقوا فرصة باش نحطوا ساقينا علي اول درجة و لا حتي نتشعبطوا باش نوصلوا للي نحبوا عليه...شتقلي فما برشا بطالة ، محسوبيات و اكتاف و اعداء و ناس هوايتها تحط العصا في العجلة ، نقلك صحيح لكن كون اقوي ، كون اذكي ، كون ارقي ،خلي عندك ثقة في نفسك في قدراتك و في قناعاتك و خاصة في احلامك ، اكيد ما جيتش للدنيا هذي باش تعيش تمشي مالظل للظل و ، اكيد عندك هدف اسمي ، رسالة تحب توصلها و صدقني مهما تكون احلامك كبيرة ماهيش مستحيلة و مهما تكون بسيطة اكيد ماهيش تافهة لهذا رد بالك تنساها و نذكر مهما تطوال المدة لازم يجي نهار و تحققها اما لازم تعرف
"ما نيل المطالب بالتّمنّي ولكن تؤخذ الدّنيا غلابا
لا موش الحلم الي تشوفوا كي يهزك النوم اما الحلم الي تشوفوا كل ما تخمم ف حياتك في اهدافك و طموحاتك ، الحلم الي قد ما هو قريبك و بين يديك قد ما صعيب تشدوا و تسكر عليه باش ما يهربش ...
احلامنا هذي تجم تقول اكثر حاجة مخليتنا عنا امل في الحياة ، خاطر الامل لازموا هدف و انا نعرف الي كل واحد حلموا غالي عليه و الي حتي شي ما يجي بالساهل و نعرف الي سعات في لحظة ضعف انت و انا و كل واحد فينا يحس الي هو بعد ياسر عالثنية الي صورها لنفسوا و الي هو ضحي بطوموحاتو الكبيرة علي جال اسباب اخري ممكن شافها في مرحلة من حياتوا اهم ببرشا اما الحاجة الباهية الي احلامنا مهما نسيناها مهما خبيناها لازم ترجع و لازم نرجعوا نمنوا بقدرتنا انا نجموا نحقوها .
نعرف الطريق طويلة و احنا مازلنا "صغار" دوب ما دخلنا معترك الحياة و مازلنا نثبتوا لارواحنا الي احنا قويين و نثبتوا للي دايرين بينا الي نستحقوا فرصة باش نحطوا ساقينا علي اول درجة و لا حتي نتشعبطوا باش نوصلوا للي نحبوا عليه...شتقلي فما برشا بطالة ، محسوبيات و اكتاف و اعداء و ناس هوايتها تحط العصا في العجلة ، نقلك صحيح لكن كون اقوي ، كون اذكي ، كون ارقي ،خلي عندك ثقة في نفسك في قدراتك و في قناعاتك و خاصة في احلامك ، اكيد ما جيتش للدنيا هذي باش تعيش تمشي مالظل للظل و ، اكيد عندك هدف اسمي ، رسالة تحب توصلها و صدقني مهما تكون احلامك كبيرة ماهيش مستحيلة و مهما تكون بسيطة اكيد ماهيش تافهة لهذا رد بالك تنساها و نذكر مهما تطوال المدة لازم يجي نهار و تحققها اما لازم تعرف
"ما نيل المطالب بالتّمنّي ولكن تؤخذ الدّنيا غلابا
No comments:
Post a Comment