هو لغيري و انا موش ليه

 لحكاية شتكون علي لساني باش الي يقراها كاينوا يحكي فيها خاطر الكلام هذا علي حكاية تجم تكون حقيقة في حياة برشا ناس كيما تجم تكون خيال ، فما شكون يشوفها معقولة و فما شكون ما يفهمهاش اما انا حبيت نحكي عليها ، مالوا الا كلام ليل ما ياخوا عليه حد 

_________________________________________________________________________________

اكييد فما حكاية جديدة وانا حكاياتوا الجدد يتعبوني ما نعرفش علاش ،ماذابية نخبيه و نمشي معاه بسيستام يا نلعب يا نحرم ، نحبوا
يعيش حياتوا اما يحطني انا اولوية ، نعرف اني انانية ، اما الله غالب حاجة فيه تشدني,  تجبدني و تخليني نخمم فيه اما موش لدرجة نكون معاه,  تخليني نغير عليه اما موش لدرجة نحبوا ، تجم تقول حب امتلاك ولا حب جا مخر برشا و و قتوا غالط ،  تجم تقول وحدوا ما يكفينيش ، نحبوا يعيش و يتعرف و يعمل الي يحب , مهما تكون حياتوا و هو حر فيها ، القلب قلبوا يكريه للي يحب اما انا لازمني ساكنا فيه (ميش كرية ملك )، انانية نعرف ...

هو لغيري و انا موش ليه ، اما موش مني لا نحبوا لا نصبر عليه و يخوفوني حكاياتوا الجديدة و البنات الي يدخلوا ما غير ما يدقوا الباب، نخاف منوا كي نري نظرة في عينيه مصور فيها مستقبل انا مانيش لقشة منوا .... نخاف كي نسمعوا يحكي علي مشروع جديد ولا حتي قديم،  سعات نحس روحي في حياتوا حكاية و تتعدي و هذا ما يقلقنيش خاطر هو في حياتي حكاية , اما نخاف نكون حكاية كي توفي تتنسي و نقعد انا بذاكرة قوية و هو بذاكرة مفسخة ، ما نجمش نخمم الي نجم نتعدي نهار مع جنبوا و نحس روحي غريبة عليه ، ما نجمش ننسي الحجات الي ما صاروش بيناتنا ..ما تضحكوش علية برسمي اكثر حاجة ما نجمش ننساها هي الحكايات الي ما صاروش و الي في لحظة تمنيتهم يصيروا ...ريتوا علاش نتقلق من حكاياتوا الجدد !! خاطر نحس الي انا في لحظة شنولي حكاية قديمة ...و نعرف الي حكاياتوا قصار ما يطولوش و نعرف الي حكايتنا ما توفاش كان كي نكتب انا نهايتها اما الخوف حاجة ما نجمش نخبيها كل ما نحسوا قادم علي مشروع جديد

ملهمتني 

http://www.youtube.com/watch?v=amlsv1wvbaE

KOUKOU